Gecə saatlarında Tərtər şəhəri ərazisində bir nəfər əlində qumbara ilə kafeyə gəlib. Oradakı əşyaları və pəncərələrin şüşələrini sındırıb. Sonradan bir evin həyətinə gedərək evin pəncərələrini, həyətdə olan avtomobilin şüşələrini qırıb. Bu barədə polisə məlumat daxil olub.
Daxili İşlər Nazirliyinin mətbuat xidmətindən Bugun.tv-yə verilən xəbərə görə, polis əməkdaşları tərəfindən tədbirlər həyata keçirilib. Əməli törətməkdə şübhəli bilinən şəhər sakini Yavər Hüseynov saxlanılıb. Ondan “RQD-5” markalı əl qumbarası götürülüb.
Faktla bağlı Cinayət Məcəlləsinin 221-ci (Xuliqanlıq) və 228-ci (Qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddələri ilə cinayət işi başlanılıb.