Türkiyə prezidenti Rəcəb Tayyib Ərdoğan ölkədə prezident və parlament seçkilərinin problemsiz keçdiyini deyib.
Bugun.tv xəbər verir ki, o bu barədə İstanbul məktəbində seçki məntəqəsində səs verdikdən sonra jurnalistlərə bildirib.
“Bizdə olan məlumatlara görə, seçkilər problemsiz keçir. Ümid edirəm ki, onlar demokratiyaya fayda verəcəklər”, – Ərdoğan söyləyib.
O, seçiciləri yerli vaxtla saat 17:00-da bağlanan seçki məntəqələrinə gəlməyə çağırıb.
“Mən səslərin hesablanmasından sonra yaxşı gələcəyə ümid edirəm. Bütün seçicilərimizi Türkiyə demokratiyasının gücünü göstərmək üçün saat 17:00-a qədər tərəddüd etmədən seçkilərdə iştirak etməyə çağırıram”, – deyə prezident bildirib.
Seçki məntəqələrində təhlükəsizlik tədbirləri gücləndirilib. Xüsusi xidmət orqanları məktəbə daxil olan bütün insanları yoxlayıb.
Qeyd edək ki, prezidentliyə namizədlər hazırkı prezident Rəcəb Tayyib Ərdoğan, Cümhuriyyət Xalq Partiyasının sədri Kamal Kılıçdaroğlu və ATA Alyansı partiyasından namizədliyi irəli sürülmüş Sinan Oğandır. Qalib namizəd səslərin 50%-dən çoxunu toplamalıdır. Türkiyəli analitiklər seçkilərin mayın 28-də keçiriləcək ikinci turuna keçə biləcəyini bildiriblər. Parlament seçkilərində 36 partiya iştirak edir. Onlardan bəziləri 7%-lik baryeri aşmaq üçün ittifaq yaradıb.
Mənbə: TASS