Prezident Ərdoğan və xanımı Əminə Ərdoğan yerli vaxtla saat 12.05-də səs vermək üçün Saffet Çebi orta məktəbinə gəliblər.
Bugun.tv xəbər verir ki, bu barədə yerli mətbuat məlumat yayıb. Vətəndaşların məhəbbətlə yanaşdığı Ərdoğanı Üsküdar sədri Hilmi Türkmen, AK Partiya İstanbul İl sədri Osman Nuri Kabaktepe və digər maraqlı şəxslər qarşılayıblar.
Prezident Ərdoğan və xanımı Əminə Ərdoğan “3279” nömrəli seçki qutusunun yerləşdiyi sinif otağının qarşısında növbəyə dayanıblar. Onlar lazımi nəzarət üçün sandıq məmurlarına şəxsiyyət vəsiqələrini təqdim etdikdən sonra səs veriblər.
Qeyd edək ki, prezident Ərdoğan seçici siyahısında 175-ci, Əminə Ərdoğan isə 174-cü yerdədir. Həmin məktəbdə səhər saatlarında Ərdoğanın oğlu Bilal və həyat yoldaşı Reyyan Ərdoğan da səs verib.
Mənbə: NTV haber