Elə təqvimlər var ki, Azərbaycan xalqının taleyində mühüm əhəmiyyət kəsb edir. Onlardan biri də 15 iyundur. Bu tarix Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan Ulu Öndər Heydər Əliyev yenidən hakimiyyətə gəldiyi gündür.
Sovet hakimiyyəti süquta uğradıqdan sonra müstəqillik qazanan Azərbaycan qısa zaman sonra yenidən onu itirmək təhlükəsi ilə üz-üzə qaldı.
Ölkədə xaos və anarxiya vətəndaş müharibəsi baş alıb gedirdi. Azərbaycan torpaqlarının Ermənistan tərəfindən işğalı, ağırlaşan sosial rifahı vəziyyəti daha da gərginləşdirirdi. Belə bir durumda ölkəni bu xaosdan xilas edəcək liderə ehtiyac duyulurdu.
Bu şəxsiyyət məhz Heydər Əliyev idi. Beləliklə, o 1993-cü il iyunun 9-da xalqın çağırışına səs verərək Naxçıvandan Bakıya gəldi. Bir neçə gün sonra 15 İyunun 1993-cü il tarixində Heydər Əliyev Azərbaycan Ali Sovetinin sədri seçildi və böyük bir missiyasını öz üzərinə götürdü. Bu tarix Azərbaycan tarixində Qurtuluş günü kimi qaldı.
Ulu öndər Heydər Əliyevin hakimiyyətə qayıdışından sonra ölkədə baş vermiş sosial-iqtisadi və siyasi inkişaf dövlətimizin və cəmiyyətin qurulmasında həlledici rol oynadı.
Heydər Əliyevin həyata keçirdiyi təxirəsalınmaz sosial-iqtisadi, siyasi və mənəvi tədbirlərin nəticəsində ilk olaraq 1994-cü ildə mühüm əhəmiyyət kəsb edən atəşkəs imzalandı.
Bu gün Ulu Öndərin davamçısı olaraq Prezident İlham Əliyev bu siyasəti uğurla davam etdirir. Azərbaycan bu gün dünyanın dinamik inkişaf edən, modernləşən, beynəlxalq arenada nüfuzu gündən-günə artan dövlətə çevrilib.
Müstəqilliyimizin əbədi olması diləyilə, bayramınız mübarək!
Müxbir: Aynur Ruslan