Azərbaycan Baş prokurorunun xüsusi tapşırıqlar üzrə baş köməkçisi İlqar Səfərov bildirib ki, Ermənistan silahlı qüvvələrinin Azərbaycan hərbçilərinə və mülki şəxslərə qarşı terroru bu gün mina partlayışları ilə davam edir.
O, bunu Baş Prokurorluq və Xarici İşlər Nazirliyinin birgə mətbuat konfransında Ermənistan silahlı qüvvələrinin və Ermənistanın qanunsuz silahlı birləşmələrinin 1988-ci ildən indiyədək Azərbaycana qarşı törətdiyi cinayətlərə dair danışarkən deyib.
Səfərov qeyd edib ki, 1991-2022-ci illər ərzində Azərbaycanda mina qurbanlarının ümumi sayı 3336 nəfər olub.
Onun sözlərinə görə, 2020-ci ilin noyabr ayından indiyədək mina partlayışları nəticəsində 44 azərbaycanlı həlak olub, 213 nəfər yaralanıb.