Bugun.tv xəbər verir ki,.İzmirin Çeşme rayonunda 260 qeyri-qanuni immiqrant, 20 immiqrant qaçaqmalçısı və qeyri-qanuni yollarla xaricə getməyə çalışan 2 nəfər tutulub. Sahil Mühafizə Komandanlığının internet saytında yer alan açıqlamaya görə, Çeşmə rayonu sahillərində balıqçı gəmisində bir qrup qeyri-qanuni mühacirin olması xəbəri üzərinə Sahil Mühafizə gəmisi bölgəyə istiqamətləndirilib.
TRT Haber-in məlumatına görə, Komandalar İtaliyaya gedən yolda hərəkət edən qayığı dayandıraraq 260 qeyri-qanuni immiqrant, 4 immiqrant qaçaqmalçılığı şübhəlisi və qeyri-qanuni yollarla ölkəni tərk etməyə çalışan 2 nəfəri yaxalayıb. Hadisə ilə əlaqədar jandarma qrupları da təqibləri nəticəsində rayonda daha 16 immiqrant qaçaqmalçılığı şübhəlisini saxlayıb. 71 qeyri-qanuni mühacir xilas edilib. Rum ünsürləri tərəfindən yenidən Türkiyə ərazi sularına çıxarılan rezin qayıq və xilasedici sallarda olan ümumilikdə 71 qeyri-qanuni mühacir Karaburun və Çeşmə rayonları sahillərində xilas edilib. Qeyri-qanuni immiqrantlar əməliyyatlarının ardından İl İmmiqrasiya İdarəsi Müdirliyinə göndərilib.
Müxbir: İntizar Əmirova