Avropada qazın orta qiyməti 2023-cü ilin sonunadək üç dəfə ucuzlaşaraq min kubmetr üçün təxminən 464 dollara enib.
Bugun.tv xəbər verir ki, London ICE birjasının məlumatına görə, ucuzlaşmaya regionda havaların isti keçməsi, yeraltı anbarların rekord həddə doldurulması və Avropa İttifaqında qaza tələbatın azalması səbəb olub.
Ümumilikdə isə 2023-cü ilin sonunda Aİ ölkələrində qazın qiyməti təxminən 67 faiz ucuzlaşıb. Bir il öncə Avropa birjalarında mavi yanacağın min kubmetrinin orta qiyməti 1,4 min dollara yüksəlmişdi.
Qeyd edək ki, 2022-ci il dekabrın 30-da qazın min kubmetri təxminən 845 dollara satılsa da, 2023-cü il noyabrın 30-da 470 dollara, dekabrın 29-da isə 367 dollaradək enib.