Uqandalı 31 yaşlı Babirye Florens yeni həyata başlamaq arzusu ilə Hatayın Antakya mahalına gəlir. Ailəsinə pul göndərmək üçün türk ailəsində uşaq baxıcısı kimi işləməyə başlayır. O, burada tezliklə özünə xəyal etdiyi xoşbəxt bir həyat qurmağı bacarır.
Lakin fevralın 6-da Hatayda baş verən zəlzələ onun bütün arzularını yarımçıq qoyur. Florens dağıntılar altında qalaraq, dünyasını dəyişir.
O, Türkiyədə yetimlər qəbiristanlığında dəfn edilmişdi. Lakin ailəsinin təkidi və Uqanda səfirliyinin təşəbbüsü ilə qadının cənazəsi ötən gün ölkəsinə göndərilib.