Bugun.tv xəbər verir ki, hadisə saat 16:10-da Beyləqan rayonunda baş verib. 49 yaşlı Kamil Fərəzliyev bıçaqla qətlə yetirilib. Onun öldürülməsi ilə bağlı Beyləqan rayon polis şöbəsinə məlumat daxil olub. Həyata keçirilən əməliyyat-axtarış tədbirləri nəticəsində cinayət əməlini törətməkdə şübhəli bilinən 44 yaşlı Rafiq Əliyev saxlanılıb. O, istintaqa təhvil verilib.
Bu barədə Daxili İşlər Nazirliyinin (DİN) mətbuat xidmətinin rəhbəri Elşad Hacıyev məlumat yayıb. Onun sözlərinə görə, faktla bağlı cinayət işi açılıb. İstintaq gedir.