Bugun.tv xəbər verir ki, İndoneziyanın Maluku əyalətində 5,7 bal gücündə zəlzələ olub.
Bu barədə ABŞ Geoloji Xidməti (USGS) məlumat yayıb.
Zəlzələnin episentrinin Maluku şəhərinin Tual şəhərindən 158 kilometr şimal-şərqdə olduğu deyilir.
10 kilometr dərinlikdə baş verən təbii fəlakət zamanı can və mal itkisi qeydə alınmmayıb.
Digər tərəfdən İndoneziya Meteorologiya, İqlim və Geofizika İnstitutu (BMKG) yerli vaxtla saat 16.19-da baş verən zəlzələnin 6 bal gücündə olduğunu açıqlayıb.
BMKG sunami haqqında xəbərdarlıq etməyib.
Qeyd edək ki, “Sakit okean od halqası” adlanan zəlzələ və vulkanik qurşağında yerləşən İndoneziya təbii fəlakətlərdən ən çox zərər çəkən ölkələr sırasındadır.
Mənbə: TRT haber