Bugun.tv xəbər verir ki, Belçika xalqının 57 faizi krallığın ölkədə davam etdirilməsinin tərəfdarıdır. Parlament konstitusiya monarxiyası ilə idarə olunan Belçikada Le Soir, HLN, RTL və VTM media qurumları üçün keçirilən sorğuda iştirak edənlərin əksəriyyəti kralın başçılıq etdiyi monarxiyanın davam etdirilməsinə tərəfdar olduqlarını bildiriblər.
TRT Haberin məlumatına görə, 1831-ci ildə əsası qoyulan Belçikada daha simvolik mövqeyə malik olan taxtda Kral Filip oturur. Ölkənin 8-ci kralı olan 63 yaşlı Filip atasının səhhətinə görə 2013-cü ildə taxt-taca oturmuşdu.
Müxbir: Şəms Elnurqızı