Akita prefekturasında qocalar evinin qarşısında 73 yaşlı qadın huşsuz vəziyyətdə və qan içində tapılıb. Yaralı qadın xəstəxanaya çatdırılıb.
Yaponiyada yayın başlaması ilə ayı hücumlarında ciddi artım müşahidə olunur.
Vəhşi heyvanlar, xüsusən də yaşayış məntəqələrinə yaxınlaşan heyvanlar həm kənd yerlərində, həm də şəhərlərdə narahatlıq yaradır.
Bu yaxınlarda Akita prefekturasında baş verən hadisə bu təhlükənin ciddiliyini bir daha ortaya qoydu.
NHK dövlət telekanalının yerli hüquq-mühafizə orqanlarına istinadən verdiyi məlumata görə, Akita prefekturasında əlillər üçün qocalar evinin qarşısında 73 yaşlı qadın huşsuz və qan içində tapılıb.
Polis qocalar evinin təhlükəsizlik kamerası görüntülərini araşdırıb və qadının ayının hücumuna məruz qaldığını müəyyən edib.
Qocalar evinin sakini olduğu müəyyən edilən qadın müalicə olunmaq üçün xəstəxanaya aparılıb.
Başından və üzündən xəsarət alan yaşlı qadının vəziyyəti ilə bağlı hələlik heç bir məlumat verilməyib.
Mənbə: EnSonHaber