Bugun.tv xəbər verir ki, Çanaqqalanın Şimali Egeydəki Ayvacık mahalı sahillərində həyata keçirilən əməliyyatlarda 77 qeyri-qanuni immiqrant xilas edilib, 1 şübhəli isə yaxalanıb.
TRT Haber-in məlumatına görə, Sahil Mühafizəsi Şimali Ege Qrup Komandanlığı qrupları tərəfindən Ayvacık sahillərində nizamsız immiqrantların olduğu rezin qayıqlar aşkar edilib. “TCSG-28” qayığı ilə bölgəyə gedən qruplar müxtəlif yerlərdə yunan ünsürləri tərəfindən Türkiyə ərazi sularına sıxışdırılan əfqan əsilli 77 qeyri-qanuni immiqrantı xilas edib. Komandalar tərəfindən aparılan yoxlamalar zamanı xarici ölkə vətəndaşları ilə yanaşı qeyri-qanuni yollarla ölkəni tərk etməyə cəhd edən şübhəlinin də olduğu müəyyən edilib. Gəmidən endirilən 77 qeyri-qanuni mühacir əməliyyatlardan sonra Ayvacık Əcnəbilərin Repatriasiya Mərkəzinə təhvil verilib. Tutulan şübhəli barəsində qanuni əməliyyat başlanıb.