Yunanıstanda son bir həftədə 8 yeni Qərbi Nil virusuna yoluxma halı aşkar edilib. İki nəfər dünyasını dəyişib.
Yunanıstanın Milli Xalq Sağlamlığı Agentliyindən verilən açıqlamada, yanvarın 1-dən sentyabrın 17-dək ölkədə ümumilikdə 83 Qərbi Nil virusuna yoluxma faktının qeydə alındığı bildirilib.
Açıqlamada qeyd olunub ki, son bir həftədə səkkiz yeni yoluxma halı aşkarlanıb, iki nəfər ölüb. Bəyanatda yeni halların ortaya çıxmasının gözlənildiyi qeyd edilib və ağcaqanadlara qarşı fərdi qoruyucu tədbirlərin görülməsinə çağırılıb.
Mənbə: HurriYet