Bugun. tv xəbər verir ki, ölkədə 9 may Qələbə günü qeyd olunur.
“Faşizmin məğlub edilməsində Azərbaycan xüsusi paya malik olan ölkələrdəndir. Ikinci Dünya Müharibəsində 300 mindən çox övladını itirən ölkəmiz qələbənin əldə edilməsi üçün həmçinin öz neft təmainatı ilə də mühim mövqeyə malik idi. Müharibə dövrü Bakı keçmiş SSRİ-nin neftinin 70 faizindən çoxunu verirdi. Baltik dənizindən Qara dənizədək uzanan cəbhədə bütün benzinin 80%-ni, sürtgü yağlarının 90%-ni Azərbaycan göndərirdi”.
Bunu millət vəkili Vüqar Bayramov facebook səhifəsindəki paylaşımında bildirib. Onun sözlərinə görə, Rusiya-Ukrayna müharibəsindən sonra İkinci Dünya Savaşına dünyada və eləcə də bölgəmizdə yanaşma dəyişsə də həmin müharibədə canlarını fəda edən 300 mindən çox azərbaycanlı həlak olub.
Millət vəkili ölənlərə Allahdan rəhmət diləyib. Ölkəmizə hər zaman qələbələr qeyd etməyi arzulayıb.
Müxbir: Qaytən Qasımzadə