Məclisin deputatı Naqif Həmzəyev növbəti dəfə ərazi üzrə vətəndaş qəbulu keçirib. Deputat vətəndaşları fərdi qaydada qəbul edərək müraciət və təkliflərini dinləyib, problemləri ilə maraqlanıb.
Bugun.tv xəbər verir ki, deputat seçiciləri ilə müntəzəm olaraq görüşən, onların problemləri, arzu və təklifləri ilə maraqlanan millət vəkili Naqif Həmzəyev YAP Gəncə şəhər təşkilatının inzibati binasında növbəti vətəndaş qəbulu keçirib.
Qəbul zamanı seçiciləri narahat edən məsələlər dinlənilib.
Görüş zamanı vətəndaşlar əsasən məşğulluq, səhiyyə, sosial və s. məsələlərlə bağlı müraciətlər ediblər.
Bir neçə məsələ yerindəcə həllini tapıb. Digər məsələlər isə həll olunması üçün qeydiyyata alınıb.
Millət vəkili Naqif Həmzəyev qəbulda dilə gətirilən məsələlərin həlli istiqamətində aidiyyatı qurumlara müraciət edəcəyini və onları narahat edən problemlərin ən qısa zamanda müsbət həll olunmasına köməklik göstərəcəyini diqqətə çatdırıb.