Bolqarıstan və Rumıniya da Avropa Birliyinin vizasız səyahət zonası olan Şengenə qoşuldu. Qərar yanvarın 1-dən qüvvəyə minib.
Şengen ölkələrinin sayı 29-a yüksəldi.
Bolqarıstan və Rumıniyanın Avropa İttifaqının (Aİ) vizasız səyahət zonası olan Şengenə qoşulması ilə bağlı verilən qərar icra edilib. Aİ Şurasının 2024-cü il dekabrın 12-də qəbul etdiyi qərara əsasən, bu gündən etibarən Bolqarıstan və Rumıniya de-fakto Şengenə daxil edilib.
Üzv dövlətlərin iki ölkənin Aİ-nin azad səyahət zonasında iştirakı ilə bağlı razılığa gəlməsi üçün vaxt lazım idi.
Sonuncu dəfə Hollandiya, Macarıstan və Avstriya tərəfindən bloklanan iki ölkə ilk dəfə 31 mart 2024-cü ildə dəniz və hava yolu ilə Şengenə daxil edilib. Avstriya immiqrasiya və korrupsiya kimi səbəblərə görə veto qərarını geri götürdükdə iki ölkə qarşısındakı maneə aradan qaldırıldı.
Rumıniya və Bolqarıstan 2007-ci ildə Aİ-yə üzv olublar. Aİ Komissiyası 2011-ci ildə Sofiya və Buxarestin Şengenə daxil edilməsi ilə bağlı öz fikrini bildirib.
Şengen zonası, Aİ üzvləri Almaniya, Avstriya, Belçika, Xorvatiya, Çexiya, Danimarka, Estoniya, Finlandiya, Fransa, Yunanıstan, Macarıstan, İtaliya, Latviya, Litva, Lüksemburq, Malta, Hollandiya, Polşa, Portuqaliya, Slovakiya, Sloveniya, İspaniya, İsveç, Bolqarıstan və Rumıniya, Lixtenşteyn, İslandiya, Norveç və İsveçrədən başqa 29 ölkəni əhatə edir.
Mənbə: TgrtHaber