Hindistanın Carkhand əyalətinin Bokaro rayonunda təhlükəsizlik qüvvələri ilə maoçu üsyançılar arasında baş verən toqquşmada 8 üsyançının öldürüldüyü bildirilir.
ANI News-un məlumatına görə, polis rəsmiləri ştatda təhlükəsizlik qüvvələri ilə maoçu üsyançılar arasında toqquşma olduğunu bildirib.
Açıqlamada ilkin məlumata görə, meşəlik ərazidə baş verən qarşıdurmada 8 qiyamçı zərərsizləşdirilib.
Təhlükəsizlik qüvvələri əməliyyat zamanı çoxlu sayda silah və partlayıcı maddə ələ keçirib.
Bölgədə əməliyyatlar davam edir.
1968-ci ildən SİLAHLI AKSİYALAR KEÇİRİLİR
Çinin inqilabçı lideri Mao Zedongdan ilhamlanan maoçu üsyançılar 1968-ci ildən bəri Hindistanın şimalında, şərqində və mərkəzində bir çox ştatlarda silahlı əməliyyatlar aparırlar.
Üsyançılar tayfaların və yoxsulların daha çox hüquqları uğrunda mübarizə apardıqlarını iddia edirlər.
Cənubi Asiya Terror Portalının məlumatlarına görə, 1999-cu ildən bəri təhlükəsizlik qüvvələri ilə maoçu üsyançılar arasında baş verən qarşıdurmalarda 8 mini mülki şəxs olmaqla, 14 mindən çox insan həlak olub.
Mənbə: HaberGlobal