İngiltərənin Kembric Universitetinin tələbələri universitetdən sionist rejimi dəstəkləyən və silah satan şirkətlərlə investisiya əlaqələrinə son qoymağı tələb edərək etiraz aksiyası keçiriblər.
Universitet sərmayələri arasında sionist rejimin müdafiə şirkəti Elbit Systems-ə milyonlarla funt sterlinq vəsaitin köçürüldüyünü bildirən tələbələr, bu əməkdaşlıqların Qəzzada baş verən dağıntı və qırğınlara dolayı dəstək olduğunu vurğulayıblar.
Fəallar universitet rəhbərliyindən “Sionist rejimin törətdiyi soyqırımda şərik olmağı dayandırmalıyıq” deyərək dərhal investisiya əlaqələrini kəsməyi tələb ediblər.
Tələbələr həmçinin bildiriblər ki, Kembric fələstinli tələbələrə təqaüd verməli və Qəzzada işğalçılar tərəfindən dağıdılan təhsil müəssisələrinin yenidən qurulması üçün bu prosesə fəal dəstək verməlidir.
Universitetin bəzi kollecləri tələbələrin tələblərinə uyğun olaraq əməkdaşlıqlarını nəzərdən keçirmək qərarına gəlsə də, digərləri mövcud vəziyyəti qoruyub saxlamaqda davam edir. Tələbələr güclü maliyyə imkanlarına malik universitetin bu addımları atmasının həm etik, həm də akademik məsuliyyət olduğunu iddia edirlər.
Fəallar sionist rejimlə bütün akademik və maliyyə əlaqələrinin kəsilməsini və işğalı normallaşdıran bu cür əməkdaşlıqlara son qoyulmasını istəyirlər.
Mənbə: İlkha