İsrail ordusunun səhər saatlarından Qəzza zolağına etdiyi hücumlarda 60-dan çox fələstinli həyatını itirib.
Qəzzaya qarşı blokadanı gücləndirərək və humanitar yardımların ölkəyə girişini əngəlləyərək humanitar fəlakətə səbəb olan İsrail, məcburi köçkün fələstinliləri və yardım gözləyən mülki insanları hədəf alıb.
Səhiyyə sektorundakı mənbələrdən əldə edilən məlumata görə, İsrail ordusunun qida tapmaq ümidi ilə Qəzza zolağının mərkəzi və cənub bölgələrində humanitar yardım paylama məntəqələrinə gedən mülki vətəndaşları hədəf alması nəticəsində 29 fələstinli həyatını itirib.
İsrailin səhər saatlarından Qəzzanın müxtəlif bölgələrində həyata keçirdiyi hücumlarda ən azı 60 fələstinli həyatını itirib.
Fələstinin WAFA xəbər agentliyi də İsrail ordusunun Qəzza şəhərində və Xan Yunisdə köçkün fələstinlilərin sığındığı məktəb və çadırları hədəf aldığını bildirib.
Mənbə: HaberGlobal