Kaliforniyada yerləşən Vast Space şirkəti 2026-cı ilin may ayında SpaceX Falcon 9-un göyərtəsində dünyanın ilk kommersiya kosmik stansiyası olan Haven- 1-i kosmosa göndərməyi planlaşdırdığını açıqladı.
Kaliforniyada yerləşən Vast Space şirkəti dünyanın ilk kommersiya kosmik stansiyası olan Haven-1-i kosmosa göndərməyə hazırlaşır.
Tək modullu buraxılış hazırda 2026-cı ilin may ayına planlaşdırılır.
SPACEX İLƏ ƏMƏKDAŞLIQ
Haven- 1 orbitə Space X Falcon 9 raketi ilə buraxılacaq. Stansiyanın ilk heyəti bir neçə ay sonra SpaceX-in Crew Dragon kosmik gəmisi ilə gələcək.
“İNSAN MƏRKƏZLİ” DİZAYN VƏ TƏDQİQAT MƏRKƏZİ
Haven -1 45 kubmetr yaşayış həcminə və “insan mərkəzli” dizayna malikdir. İnteryerdə böyük günbəz pəncərəsi, açılan kommunal masa, şəxsi yataq yerləri və Starlink vasitəsilə yüksək sürətli internet bağlantısı var. Bu yeni kommersiya kosmik stansiyası həm də mikroqravitasiya tədqiqatları üçün platforma rolunu oynayacaq və müxtəlif növ eksperimentlərə ev sahibliyi edə bilən elmi laboratoriyanı əhatə edəcək.
Hədəf auditoriyası: Kosmos Agentlikləri və Özəl Şəxslər
Vast Space hələ stansiyanın ekipajını açıqlamasa da, hədəf müştərilərinin ilk dəfə astronavt göndərmək istəyən inkişaf etməkdə olan ölkələrdən olan kosmik agentliklər olduğunu bildirib.
Hazırda şirkət orbitə göndəriləcək faktiki modulun son qaynaq mərhələlərini qurmaq və tamamlamaq prosesindədir.
Mənbə: EnSonHaber