Rusiya Fövqəladə Hallar Nazirliyindən verilən açıqlamada Yaroslavldakı neft emalı zavodunda yanğının baş verdiyi və yanğının söndürülməsi istiqamətində işlərin davam etdiyi qeyd edilib.
Açıqlamada əlavə edilib ki, 200 kvadratmetr ərazini əhatə edən yanğın nəticəsində ölən və yaralanan olmayıb.
Yaroslavl vilayətinin qubernatoru Mixail Yevrayev sosial şəbəkədə neft emalı zavodunda baş verən yanğının pilotsuz uçuş aparatının (PUA) hücumu nəticəsində baş vermədiyini bildirərək, “Əraziyə PUA hücumu olmayıb. Müvafiq xidmətlər işlərini davam etdirir” deyib.
Mənbə: HurriYet