Dünən gecə Hindistanın paytaxtı Yeni Dehlidə qırmızı işıqda dayanan avtomobildə baş verən partlayış ətrafdakılara və digər nəqliyyat vasitələrinə zərər vurub.
Associated Press (AP) partlayışın terrorizmə qarşı mübarizə qanunu çərçivəsində araşdırıldığını və məhkəmə ekspertlərinin səbəbini müəyyən etmək üçün çalışdığını bildirib.
AP-nin yüksək vəzifəli polis məmurlarına istinadən verdiyi məlumata görə, dünən gecə Yeni Dehlidə baş verən və ən azı 12 nəfərin ölümünə və çoxsaylı insanların yaralanmasına səbəb olan partlayışla bağlı polis araşdırması davam edir.
Hakimiyyət orqanları hadisənin hüquq-mühafizə orqanlarına həbslər aparmaq üçün geniş səlahiyyətlər verən terrorizmə qarşı mübarizə qanunu çərçivəsində araşdırıldığını bildirib.
Rəsmilər həmçinin məhkəmə ekspertlərinin partlayışın səbəbini müəyyən etmək üçün çalışdıqlarını bildiriblər.
AFP-nin məlumatına görə, Hindistanın müdafiə naziri Rajnath Singh partlayışda məsul şəxslərin məsuliyyətə cəlb olunacağını açıqlayıb.
Singh Yeni Dehlidə keçirilən konfransda bildirib ki, “Ölkənin aparıcı istintaq orqanları hadisə ilə bağlı sürətli və hərtərəfli araşdırma aparır. İstintaqın nəticələri tezliklə ictimaiyyətə açıqlanacaq”.
Singh açıqlamasında deyib:
“Milləti birmənalı şəkildə əmin etmək istəyirəm ki, bu faciəyə görə məsul şəxslər məsuliyyətə cəlb olunacaq və heç bir halda əfv olunmayacaqlar”.
“Səkkiz nəfər həyatını itirib”, Yeni Dehli Yanğından Mühafizə İdarəsinin rəis müavini A.K. Malik partlayışdan qısa müddət sonra AFP-yə bildirib.
Press Trust of India xəbər agentliyi çərşənbə axşamı ölənlərin sayının 12-yə çatdığını bildirib, lakin bu rəqəm hələ rəsmi olaraq təsdiqlənməyib.
Daxili İşlər Naziri Amit Şah bazar ertəsi axşamı təhlükəsizlik qüvvələrinin “bütün ehtimalları qiymətləndirdiyini” bildirib. Şah məhkəmə ekspertizasının nəticələrinin gözlənilməli olduğunu vurğulayıb və deyib: “Hazırda hadisənin səbəbini demək çox çətindir”.
Mənbə: Hurriyet.com