Bu gün səhər saat 09:00 radələrində Nərimanov rayonunda, Əhməd Rəcəbli küçəsində yerləşən ofis binasında (biznes mərkəzində) partlayış baş verib.
Hadisə nəticəsində 7 nəfər xəsarət alıb. Onlardan 5-i Kliniki Tibbi Mərkəzə hospitalizasiya olunub: birinə termiki yanıq, dörd nəfərə isə bədənin müxtəlif nahiyələrində travmalar diaqnoz edilib.
Fövqəladə Hallar Nazirliyinin Dövlət Yanğından Mühafizə və Xüsusi Riskli Xilasetmə xidmətləri dərhal hadisə yerinə cəlb olunub. Aidiyyəti qurumlar partlayışın səbəblərini araşdırırlar.
Mənbə: Fövqəladə Hallar Nazirliyi