Central Intelligence Agency (CIA) ABŞ-İran gərginliyinin artdığı bir dövrdə farsdilli sosial media hesabı vasitəsilə İran xalqına müraciət edib.
Qurum paylaşımında bildirib ki, İran vətəndaşları təhlükəsiz şəkildə CIA ilə əlaqə saxlaya bilərlər. Açıqlamada qeyd olunub: “Salam. Mərkəzi Kəşfiyyat İdarəsi ilə təhlükəsiz əlaqə qurmaq üçün tövsiyələr aşağıda təqdim olunur. Təhlükəsizliyiniz bizim üçün prioritetdir. Özünüzü qorumaq üçün şəxsi vəziyyətinizə uyğun təhlükəsizlik tədbirləri görün”.
Paylaşımda, həmçinin, təhlükəsizlik məsələləri ilə bağlı CIA bölmələri ilə necə əlaqə yaratmaq barədə izahların yer aldığı təxminən iki dəqiqəlik video da təqdim olunub. Videoda əlaqə zamanı iş kompüterləri və ofis telefonlarından istifadə etməmək, virtual özəl şəbəkələrdən (VPN) və ya Tor şəbəkəsindən yararlanmaq tövsiyə edilir.
Məlumata görə, bu müraciət ABŞ ilə İran arasında siyasi gərginliyin yüksəldiyi bir mərhələyə təsadüf edir.
Mənbə: Ensonhaber