SEPAH “Sadiq Vəd 4” (Sadık Vaad 4) əməliyyatının 18-ci dalğasının başladığını elan edib.
Məlumatı Tesnim Xəbər Agentliyi yayıb. Bildirilib ki, əməliyyat “Ya Həsən bin Əli” kod adı ilə icra olunmağa başlayıb.
Açıqlamada qeyd olunub ki, son saatlarda İranın birgə hava müdafiə qərargahının inteqrasiya olunmuş şəbəkəsi çərçivəsində yerli müdafiə sistemləri vasitəsilə İsfahan, Kürdistan və Tehran bölgələrində, əsasən “Hermes” tipli olmaqla altı düşmən pilotsuz uçuş aparatının məhv edildiyi bildirilib.
Eyni zamanda, İran ordusunun quru, dəniz və hava qüvvələrinə məxsus pilotsuz uçuş aparatlarının ölkənin müxtəlif bölgələrindən Küveyt və Bəhreyndə yerləşən ABŞ hərbi bazalarına, eləcə də “işğal altındakı ərazilər”də müəyyən edilmiş hədəflərə yönəldildiyi qeyd olunub.
Hadisə ilə bağlı əlavə təfərrüatlar açıqlanmayıb.
Mənbə: İlkha