Yaxın Şərqdə davam edən hərbi gərginlik fonunda enerji obyektlərinə edilən hücumlar qlobal bazarlara ciddi təsir göstərməkdə davam edir.
ABŞ Prezidenti Donald Trump bildirib ki, İranın regionda cavab zərbələri endirdiyi bir vaxtda İsrailə İranın enerji infrastrukturuna hücumları dayandırmaqla bağlı göstəriş verib.
Buna baxmayaraq, CNN -in məlumatına görə, Vaşinqton İsrailin İranın Cənubi Pars qaz yatağına mümkün zərbə planlarından əvvəlcədən xəbərdar olub. Bu isə regiondakı gərginliyin daha da artacağı ilə bağlı narahatlıqları gücləndirib.
Hərbi qarşıdurmanın enerji sektoruna təsiri artıq qlobal bazarlarda hiss olunur. Belə ki, neftin qiyməti kəskin yüksələrək bir barel üçün 115 dollara çatıb.
Ekspertlər bildirirlər ki, qiymət artımı davam edərsə, ABŞ İran neftinə tətbiq olunan bəzi sanksiyaları yumşalda və strateji ehtiyatlardan əlavə neft buraxa bilər.
Digər tərəfdən, Tramp Pentaqon üçün 200 milyard dollardan artıq əlavə maliyyələşdirmə tələb olunduğunu təsdiqləyib və bunu ordunun təminatı üçün “kiçik bir bədəl” kimi qiymətləndirib. ABŞ-da keçirilən dinləmələrdə kəşfiyyat rəsmiləri İranın nüvə imkanları və müharibə məqsədləri ilə bağlı məlumat veriblər.
Eyni zamanda, mənbələrin bildirdiyinə görə, İranın açdığı atəş nəticəsində ABŞ-a məxsus F-35 qırıcı təyyarəsi zədələnərək Yaxın Şərqdə yerləşən hərbi bazalardan birinə təcili eniş edib.
Mənbə: CNN