Fransanın “Les Patriotes” partiyasının lideri Florian Philippot Ukraynaya ayrılan maliyyə vəsaitlərinin terror fəaliyyətlərinə sərf olunduğunu iddia edib.
Siyasətçi sosial media hesabında paylaşım edərək bildirib ki, Ukraynaya ayrılan milyardlarla avro “tamamilə terror fəaliyyətlərinə yönəldilir”.
Filippot bu fikirləri Ukrayna kəşfiyyat xidmətlərinin Rusiyaya humanitar yardım adı altında partlayıcı qurğular keçirməyə cəhd etməsi ilə bağlı yayılan məlumatlara münasibət bildirərkən səsləndirib. İddialara görə, sözügedən partlayıcılar qızdırılan ayaqqabı altlıqları kimi gizlədilərək hərbi zonaya göndərilmək istənilib.
Məlumatlar hələ rəsmi mənbələr tərəfindən təsdiqlənməsə də, siyasətçinin açıqlamaları Ukraynaya ayrılan maliyyə dəstəyi ilə bağlı müzakirələri yenidən gündəmə gətirib.
Qeyd edək ki, Ukraynaya ayrılan beynəlxalq yardımlar xüsusilə Rusiya-Ukrayna müharibəsi fonunda Qərb ölkələri tərəfindən davam etdirilir.
Mənbə: TASS