Bugun.tv xəbər verir ki, Rusiyanın Böyük Britaniyadakı səfirliyi Böyük Britaniyanın Rusiyaya qarşı elan etdiyi yeni sanksiyalar paketini növbəti düşmənçilik addımı kimi qiymətləndirib.
Səfirliyin nümayəndəsi TASS agentliyinə açıqlamasında bildirib ki, Londonun tətbiq etdiyi yeni məhdudiyyətlər əvvəlkilər kimi nə ümumi vəziyyətə, nə də Ukraynadakı hərbi əməliyyatların gedişinə ciddi təsir göstərəcək.
Açıqlamada qeyd olunub ki, Böyük Britaniya hakimiyyətinin sərt bəyanatlarına baxmayaraq, bu sanksiyaların real nəticə verməsi gözlənilmir.
Rusiya tərəfi həmçinin bəyan edib ki, məhz Böyük Britaniya Kiyevə maliyyə və silah yardımı göstərməklə münaqişənin daha da dərinləşməsinə səbəb olur. Səfirliyin sözçüsünün fikrincə, bunun ağır nəticələrini isə ilk növbədə Ukrayna əhalisinin ən həssas təbəqələri yaşayır.
Mənbə: TASS