Bugun.tv xəbər verir ki, amerikalı milyarder Ceff Bezosun sahibi olduğu “Blue Origin” şirkətinin “New Glenn” adlı raketi ABŞ-ın Florida ştatındakı Keyp Kanaveral kosmodromunda keçirilən statik atəş sınağı zamanı partlayıb.
Məlumata görə, təxminən 98 metr hündürlüyündə olan raketin mühərrik sınaqları zamanı güclü partlayış baş verib. Hadisə nəticəsində xəsarət alan olmayıb.
Şirkət hadisə ilə bağlı açıqlamasında sınaq zamanı “anomaliya” qeydə alındığını bildirib. Sosial şəbəkələrdə yayılan görüntülərdə raketin alt hissəsindən əvvəl tüstü qalxdığı, daha sonra isə böyük alov topunun əmələ gəldiyi görünüb.
Qeyd edək ki, “New Glenn” raketi “SpaceX”in “Falcon” seriyasına rəqib kimi hazırlanır. Layihəyə illərdir milyardlarla dollar sərmayə yatırılıb.
Şirkətin rəhbəri Ceff Bezos hadisədən sonra paylaşım edərək səbəbin araşdırıldığını və proqramın davam etdiriləcəyini bildirib. “SpaceX” rəhbəri İlon Mask da “Blue Origin”ə dəstək mesajı göndərib.
Mənbə: TrtHaber