Fransada milli bayram olan Bastiliya Günü münasibətilə ölkə üzrə görünməmiş təhlükəsizlik tədbirləri görülüb.
Bugun.tv xəbər verir ki, bu barədə The Guardian məlumat yayıb.
Fransa Daxili İşlər Nazirliyinin qərarına əsasən, Bastiliya Günü tədbirləri və eyni vaxtda keçirilən futbol üzrə dünya çempionatının yarımfinal oyunu ilə əlaqədar ölkə üzrə 70 min polis, jandarm və digər təhlükəsizlik əməkdaşı xidmətə cəlb olunub. Rəsmilər ictimai asayişin qorunması üçün bütün zəruri tədbirlərin görüldüyünü bildiriblər.
Parisdə keçirilən hərbi parad Fransa Prezidenti Emmanuel Makronun dövlət başçısı kimi son Bastiliya Günü mərasimi olub. Tədbirdə Ukrayna Prezidenti Volodimir Zelenski, Almaniya Kansleri Fridrix Merts və digər Avropa liderləri iştirak ediblər. Parad zamanı Ukraynanı dəstəkləyən beynəlxalq koalisiyanın hərbçiləri də Yelisey çöllərində yürüş ediblər.
Ölkənin bəzi bölgələrində davam edən güclü isti hava və meşə yanğınları səbəbindən bir sıra ənənəvi bayram tədbirləri ləğv edilsə də, hakimiyyət təhlükəsizlik tədbirlərini maksimum səviyyədə saxlayıb. Rəsmilər həm bayram mərasimləri, həm də idman tədbirlərindən sonra ictimai asayişin pozulmasına qarşı sərt nəzarətin davam etdiriləcəyini vurğulayıblar.
Mənbə: The Guardian