İspaniya hökuməti paytaxt Madrid və ətraf bölgələrdə genişlənən meşə yanğınları səbəbindən fövqəladə vəziyyət elan edib.
İspaniyanın dövlət televiziyası RTVE-nin məlumatına görə, ölkənin daxili işlər naziri Fernando Grande-Marlaska bununla bağlı qərar imzalayıb. Bildirilib ki, yanğınların yaşayış məntəqələrinə yayılma riski nəzərə alınaraq əlavə təhlükəsizlik tədbirləri görülür.
Səlahiyyətli qurumlar alovun nəzarətdən çıxması ehtimalını nəzərə alaraq bəzi yaşayış məntəqələrinin təxliyəsini də qiymətləndirirlər.
Madrid regional hökumətinin məlumatına əsasən, bölgədə vəziyyət hələ də kritik olaraq qalır. Hazırda ərazidə baş vermiş üç iri meşə yanğını hələ də tam nəzarət altına alınmayıb və yanğınsöndürmə qrupları alovun qarşısını almaq üçün fasiləsiz mübarizə aparırlar.
Rəsmilər əhaliyə təhlükəli ərazilərdən uzaq durmağı və mülki müdafiə xidmətlərinin göstərişlərinə əməl etməyi tövsiyə ediblər.
Mənbə: Trt.haber