ABŞ Prezidenti Donald Tramp diplomatik danışıqlara vaxt vermək məqsədilə İrana qarşı hərbi əməliyyatları ardıcıl ikinci gecə də dayandırıb.
Bugun.tv xəbər verir ki, bunu ABŞ-ın BMT-dəki daimi nümayəndəsi Mayk Uolts (Mike Waltz) Fox News telekanalına müsahibəsində bildirib.
Uoltsun sözlərinə görə, Tramp diplomatik prosesə imkan yaratmaq üçün gərginliyin müvəqqəti azaldılması qərarını verib. İran ordusunun nümayəndəsi də Tehranın cavab olaraq bölgədə cavab zərbələrini dayandırdığını açıqlayıb.
ABŞ nümayəndəsi bildirib ki, Prezident bütün variantları masada saxlayır və vəziyyətin inkişafından asılı olaraq qərarlar qəbul ediləcək. O, həmçinin ABŞ ordusunun əməliyyatları davam etdirmək üçün kifayət qədər hərbi resursa malik olduğunu vurğulayıb.
Bu arada İran Xarici İşlər Nazirliyinin sözçüsü İsmayıl Bəqayinin sözlərinə görə, İran və Oman nümayəndələri Tehranda Hörmüz boğazının gələcək idarə olunması ilə bağlı texniki danışıqlar aparıblar. Məhz bu boğaz ətrafındakı fikir ayrılıqları son aylarda Vaşinqton və Tehran arasında gərginliyin əsas səbəblərindən biri olaraq qalır.
Son günlərdə tərəflər arasında hərbi əməliyyatların azalması beynəlxalq ictimaiyyətdə diplomatik həll ümidlərini artırsa da, vəziyyət hələ də həssas olaraq qiymətləndirilir.
Mənbə: Trt.haber