Bugun.Tv xəbər verir ki, İndoneziya ordusu paytaxt Cakarta şəhərində təhlükəsizliyi gücləndirmək məqsədilə 20 mindən çox hərbçi və hərbi qulluqçunun yerləşdirilməsinə başlayıb. Bu addım prezident Prabovo Subiantonun telefon danışıqlarına qanunsuz müdaxilə edilməsi ilə bağlı araşdırma fonunda diqqət çəkib.
“Associated Press”in məlumatına görə, ölkənin hərbi rəhbərliyi ümumilikdə 20 980 nəfərin paytaxta göndəriləcəyini, əlavə 13 140 nəfərin isə ehtiyatda saxlanılacağını bildirib.
Polis prezidentin, hökumət üzvlərinin, siyasətçilərin, jurnalistlərin və digər şəxslərin telefon danışıqlarının qanunsuz dinlənilməsi iddiası ilə üç yüksək rütbəli polis generalını şübhəli qismində saxlayıb. Onların arasında prezidentin hazırkı aparat rəhbəri, keçmiş polis rəisi Listyo Siqit Prabovo da var.
İstintaqın ilkin məlumatlarına görə, qanunsuz dinləmə 2025–2026-cı illərdə həyata keçirilib və sonradan bəzi elektron məlumatların silinməsi ilə bağlı göstərişlər verilib.
Rəsmilər qoşunların paytaxta göndərilməsinin araşdırma ilə birbaşa əlaqəli olduğunu təsdiqləməyiblər. Ordu bu addımı milli təhlükəsizliyin təmin edilməsi üzrə adi tədbir kimi izah edib.
Mənbə: Associated Press