Rusiya NATO münasibətləri, Mariya Zaxarova, NATO, Ukrayna böhranı, Kaya Kallas, Rusiya sanksiyaları, Estoniya sərhədi, beynəlxalq siyasət
Dünya

Zaxarova: NATO Rusiya ilə müharibə aparmaq istəyir

Rusiya Xarici İşlər Nazirliyinin sözçüsü Mariya Zaxarova NATO-nun Moskva ilə bağlı addımlarını tənqid edərək alyansın müharibəyə can atdığını iddia edib. O, Rusiyanın NATO üzvü olan ölkələrə hücum etmək niyyətində olmadığını və digər dövlətlərlə sülh şəraitində yaşamaq istədiyini bildirib.

Bugun.tv xəbər verir ki, bu barədə “TRT Haber” məlumat yayıb.

Mariya Zaxarova noyabrın 20-də Moskvada keçirdiyi həftəlik mətbuat konfransında aktual məsələlərə münasibət bildirib. O, NATO-nun davranışlarını tənqid edərək alyans daxilində strategiya hazırlayanların müharibə arzuladığını irəli sürüb.

Avropa İttifaqına da iradlar səsləndirib

Zaxarova Ukrayna böhranının həlli ilə bağlı danışıqlarda Avropa ölkələrinin iştirakına da münasibət bildirib. Onun fikrincə, Avropa rəsmilərinin açıqlamaları və addımları onların danışıqlar prosesinə hazır olmadığını göstərir.

Rusiya XİN sözçüsü Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallası da Rusiyaya qarşı mövqe nümayiş etdirməkdə ittiham edib. O, Aİ-nin Rusiyaya qarşı sanksiya siyahısını genişləndirməsinə cavab veriləcəyini bildirib.

Zaxarova Estoniyanın dekabrın 1-dən Rusiya ilə bütün sərhəd-keçid məntəqələrini bağlamaq qərarını “Dəmir pərdə” dövrü ilə müqayisə edib və buna siyasi-diplomatik tədbirlərlə cavab veriləcəyini söyləyib.

O, həmçinin Moldovanın Rusiyanı pilotsuz uçuş aparatları ilə hava məkanını pozmaqda ittiham etməsinə dair Moskva tərəfinə heç bir sübut təqdim edilmədiyini iddia edib. ABŞ-ın nüvə potensialını inkişaf etdirmək istiqamətindəki addımlarını da izlədiklərini vurğulayıb.

Mənbə: TRT Haber

Aynur Camal

Oxşar xəbərlər

Həkim hovuzlarda yayıla bilən infeksiyalar barədə xəbərdarlıq edib

Aynur Camal

Alimlər armud qabığından alınan ekstraktın qaraciyəri qoruya biləcəyini müəyyən ediblər

Aynur Camal

Qartal bayquşunun dovşan ovlaması kameraya düşdü VİDEO

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz.Qəbul edinƏtraflı Oxu