“Ruslar Ukraynada baş verənləri “xüsusi əməliyyat” adlandırsalar da, biz bunun müharibə olduğunu dedik və Montrö razılaşmasını tətbiq etməyə başladıq. Digər məsələ Rusiyanın rəsmən müharibə elan etməməsidir”, -deyə Türkiyənin Milli Müdafiə naziri Hulusi Akar Ankarada keçirilən səfirlərin 13-cü mətbuat konfransında deyib.
O qeyd edib ki, dünyada ciddi nüvə müharibəsi təhlükəsi var. Nazir qeyd edib ki, Türkiyənin terrorla mübarizədə yeganə məqsədi öz sərhədlərini və vətəndaşlarını qorumaqdır: “Biz yad ərazilərə baxmırıq. Türkiyə Silahlı Qüvvələri İŞİD-ə qarşı mübarizə aparan yeganə ordudur. İraqın şimalında “Pəncə Kilid” əməliyyatı işğal deyil, terrorla mübarizədir və çox çətin bir ərazidə aparılır”- deyə nazir vurğulayıb.