Bugun.tv xəbər verir ki, Ailə, Qadın və Uşaq Problemləri üzrə Dövlət Komitəsinin və Almaniya Beynəlxalq Əməkdaşlıq Cəmiyyətinin birgə təşkilatçılığı ilə 30 noyabr 2022-ci il tarixində saat 11:00-da Pullman Baku otelinin “Qəbələ” zalında “Gender Azərbaycan” portalının təqdimat mərasimi keçiriləcək.
Gender məsul şəxslər arasında koordinasiyanı və operativliyi gücləndirərək onların şəbəkələşməsini təmin etmək məqsədilə yaradılan portal, eyni zamanda gender bərabərliyi sahəsində fəaliyyətin daha şəffaf prinsiplərə əsasən həyata keçirilməsini təşkil edir.
Qeyd edək ki, gender portalında ümumilikdə gender bərabərliyi sahəsində qanunvericilik, maarifləndirmə, institusional mexanizmlər, araşdırmalar və digər məlumatlar yerləşdiriləcək.
Tədbirdə dövlət qurumlarının, qeyri-hökumət təşkilatlarının, media nümayəndələrinin iştirakı nəzərdə tutulub.