İran hökumət əleyhinə etirazların təxminən üç aya yaxın dalğası ilə əlaqədar ikinci edamını həyata keçirib.
Məcid Rza Rəhnəvərd Məşhəd şəhərində asılaraq öldürülüb, ölkənin məhkəmə sistemi bildirib. O, təhlükəsizlik qüvvələrinin iki əməkdaşını bıçaqlayaraq öldürməkdə təqsirli bilinib. Etirazlarla bağlı ilk edam ötən cümə axşamı Möhsün Şəkərinin asılaraq edam edilməsi geniş qınaqlara səbəb olub.
Böyük Britaniyanın xarici işlər naziri James Cleverly xəbərdarlıq edib ki, dünya “İran rejiminin öz xalqına qarşı törətdiyi mənfur zorakılığa göz yuma bilməz”.
Xatırladılıb ki, hazırkı etirazlara sentyabr ayında ölkənin əxlaq polisi tərəfindən saxlanılan və həbsdə olarkən ölən 22 yaşlı Məhsa Əmininin ölümü səbəb olub. Xanım Əmininin öldüyü paytaxt Tehranda başlayan iğtişaşlar İranın bütün 31 vilayətinin 160-a yaxın şəhərinə yayılıb.
HRANA hüquq qrupunun məlumatına görə, iğtişaşlar zamanı 18 mindən çox insan həbs edilib, 488 nəfər ölüb.
Etirazlar İslam Respublikası 1979-cu il inqilabından sonra yarandığı gündən bəri onun qarşısında duran ən ciddi çağırışlardan biridir. BBC NEWS.