“Azərbaycanın 8 kəndi qeyd-şərtsiz Azərbaycana geri qaytarılmalıdır. Sərhədlərin delimitasiyasından sonra bu məsələnin köklü surətdə həll ediləcəyini düşünürəm”.
Bu sözləri Bugun.tv-ə müsahibəsində politoloq Tural İsmayılov bildirib. O, qeyd edib ki, bu gün Azərbaycanın beynəlxalq səviyyədə tanınan əraziləri hələ də işğal altındadır.
“Məsələnin ən təəssüfedici məqamı odur ki, erməni havadarı qismində iştirak edən dövlətlər, beynəlxalq təşkilatlar işğal faktoruna hələ də göz yumur. Qazaxın 7 kəndi və Kərki dərhal Azərbaycana qaytarılmalıdır. Əks halda sülh mümkün deyil. Azərbaycana təzyiq edənlər Qazaxın kəndləri və Kərkinin taleyini düşünmürlər. Biz bütün imkanlardan istifadə edərək bu məsələdə əlimizdən gələni etməliyik”.
Qeyd edək ki, Qazaxın 7 kəndi və Naxçıvanın Kələki kəndi hələ də ermənilərin işğalı altında qalmaqdadır.