Türkiyədəki zəlzələ nəticəsində İskenderun limanında aşmış konteynerlərdəki yanğın davam edir.
Bugun.tv “Anadolu”ya istinadən xəbər verir ki, yanğın gecə boyunca davam edib, hazırda alovun söndürülməsi üçün tədbirlər görülür.
Konteynerlərdəki yanğının səbəbi hələ ki məlum deyil.
Qeyd edək ki, dünən səhər saatlarında və ondan 9 saat sonra Türkiyədə 7,7 və 7,6 bal gücündə zəlzələ olub. Zəlzələ nəticəsində hazırkı rəqəmlərə görə, 2 921 nəfər həlak olub, 15 834 yaralı var.