Ukraynanın baş prokuroru Andrey Kostin Ukrayna vətəndaşlarının məcburi köçürülməsi ilə bağlı Rusiyanı soyqırımda ittiham edib.
Bugun.tv xəbər verir ki, baş prokuror bu barədə Almaniyanın RTL və NTV telekanallarına müsahibəsində bildirib.
“Əgər biz Ukraynada soyqırımdan danışırıqsa, o zaman ukraynalıların və ukraynalı uşaqların məcburi deportasiyasından danışmalıyıq”, – Kostin bildirib. O xatırladıb ki, Rusiyanın Ukraynaya təcavüzü artıq bir ilə yaxındır ki, davam edir.
“Bu cür mesajlar təcavüzkarın yüksək rütbəli siyasətçiləri tərəfindən göndərildikdə, bu, sadəcə olaraq müharibə təbliğatı deyil, açıq-aşkar vəhşiliyə təhrikdir”, – o vurğulayıb.