Bugun.tv türk mediasına istinadən bildirir ki, Kahramanmaraş, Qaziantep, Şanlıurfa, Diyarbəkir, Adana, Adıyaman, Osmaniye, Hatay, Kilis, Malatya və Elazığ vilayətlərində ümumilikdə 45 089 nəfər ölüb.
Bu barədə Türkiyə Fövəladə Hallların İdarə olunması Agentliyi (AFAD) məlumat yayıb.
Xatırladaq ki, fevralın 6-da Türkiyənin cənub-şərqində yerləşən Kahramanmaraş vilayətində 7,7 və 7,6 bal gücündə iki güclü zəlzələ baş verib. Yeraltı təkanlar Suriya da daxil olmaqla, on əyaləti əhatə edib. Bazar ertəsi Türkiyənin cənub-şərqində 17 dəqiqəlik fasilə ilə 6,4 və 5,8 bal gücündə zəlzələlər baş verib. Habertürk telekanalının məlumatına görə, Hatay vilayətinin Defne şəhərində dağıntılar qeydə alınıb. Yeraltı təkanlar Misir, İsrail, Kipr, Livan və Suriyada hiss olunub.