Koreya Respublikasının silahlı qüvvələri Şimali Koreya ilə sərhəd yaxınlığında artilleriya atəşi həyata keçirib. Qərb cəbhəsindəki Qyeonqqi əyalətinin Paju şəhərindəki poliqona 40-a yaxın mərmi atıb”. Rəsmi Pxenyan bu hərəkətləri təxribat hesab edir.
Bugun.tv TASS-a istunadən xəbər verir ki, bu barədə Koreya Xalq Ordusunun Baş Qərargahının bəyanatında deyilir.
“Bu, silahlı qüvvələrin cəlb olunduğu ciddi təxribatdır. Mövcud vəziyyəti daha da gərginləşdirir. Biz düşmən tərəfini demarkasiya xəttinə yaxın bu cür hərbi hərəkətlərə qarşı ciddi şəkildə xəbərdar edirik”,- qərargahın sözçüsü deyib.
O, əlavə edib ki, Cənubi Koreya ərazisinə atəş açıldıqdan dərhal sonra, Şimali Koreyalı artilleriyaçılara atəş hazırlığını saxlamaq və düşmənin hərəkətlərinə nəzarət etmək əmri verilib. Şimali Koreya ordusu həmçinin müşahidə və zenit müdafiəsini gücləndirmək üçün tədbirlər görüb.