Gələn həftə Rusiya, Türkiyə və Suriya xarici işlər nazirlərinin müavinləri Moskvada görüşməyi planlaşdırır.
Bugun.tv xəbər verir ki, bunu Çavuşoğlu iranlı həmkarı Hüseyn Əmir Abdullahianla danışıqlardan sonra keçirdiyi mətbuat konfransında deyib.
Rusiya xarici işlər nazirinin müavini Mixail Boqdanov daha əvvəl TASS-a açıqlamasında Rusiya, Türkiyə, Suriya və İran xarici işlər nazirlərinin görüşünə hazırlıqların getdiyini bildirib.
Qeyd edək ki, ötən il Rusiya, Suriya və Türkiyə müdafiə nazirləri Ankara ilə Dəməşq arasında münasibətlərin normallaşdırılması istiqamətində Moskvada məsləhətləşmələr keçiriblər. İclasda birgə üçtərəfli komissiyanın yaradılması barədə razılıq əldə olunub. Bu məsləhətləşmələrdən sonra üç ölkənin xarici işlər nazirlərinin görüşü baş tutmalıdır. Bura Türkiyə və Suriya prezidentləri arasında danışıqların aparılması məsələsi daxil olacaq.
Xatırladaq ki, Ərdoğan ötən ilin dekabrında Vladimir Putini Suriya lideri ilə üçtərəfli görüşə dəvət etdiyini bildirib.