Gürcüstan prezidenti Salome Zurabişvili hökumətin xarici agentlər haqqında qanun layihəsini parlamentdən geri çağırmaq qərarını xalqın qələbəsi kimi qiymətləndirib.
“İlk növbədə bütün cəmiyyəti bu qələbə münasibətilə təbrik etmək istəyirəm. Mən hökumətin qanun layihəsini geri götürmək üçün qəbul etdiyi düzgün qərarı alqışlayıram. Bu, xalqın real gücünü nəzərə alaraq diktə edilib”, – prezident videomüraciətində bildirib.
“Gürcüstan demokratik ölkədir, hakimiyyətin xalqın səsini, iradəsini nəzərə almaması mümkün deyil”,-Zurabişvili bildirib.
Mənbə:TASS