Prezident Aleksandr Lukaşenko zabitləri ehtiyata göndərib.
Bugun.tv xəbər verir ki, bu barədə prezidentin mətbuat xidməti məlumat yayıb.
Fərman ali təhsil müəssisələrinin hərbi kafedralarında ehtiyatda olan zabitlərə şamil edilir. Onlar hazırlığı başa vuran, yaşı 27-dən az olan, 230 nəfəri silahlı qüvvələrə, 30 nəfəri isə sərhəd xidmətinə çağırılması nəzərdə tutulan hərbçilərdir.
Zabitlərin hərbi rütbələri verilib və ehtiyata buraxılıblar.
Mətbuat xidmətindən o da bildirilib ki, fərman silahlı qüvvələrdə kiçik zabit vəzifələrinə təyinatla yanaşı, səfərbərlik ehtiyatı hazırlığının təmin edilməsinə yönəlib.
Qeyd edək ki, Belarusiyada bu addımlar hər il atılır.