Bugun.tv xəbər verir ki, Qazaxıstanda parlament seçkilərinə start verilib.
Astana vaxtı ilə səhər saat 08:00-a Qazaxıstanda və xaricdə ölkə parlamentinə və yerli nümayəndəlik orqanlarına seçkilər üçün 10 mindən çox seçki məntəqəsi açılıb.
Qazaxıstan prezidenti Qasım-Comərd Tokayev və baş nazir Əlixan Smailov artıq səs verib.
Seçicilər Qazaxıstanda rəsmi qeydiyyatdan keçmiş bütün yeddi siyasi partiyadan birini seçəcəklər: ən böyük Amanat partiyası, Auyl Xalq Demokratik Vətənpərvər Partiyası, Respublika, Qazaxıstan Xalq Partiyası, Yaşıllar Partiyası ‘Baytaq’, Aq Jol Demokratik Partiyası və Ümummilli Sosial Demokrat Partiyası.
Seçkilər qarışıq sistemlə keçirilir: deputatların 70%-i partiya siyahısı sistemi ilə, 30%-i isə birmandatlı dairələr üzrə seçilir. Seçki həddi yoxdur.
Mənbə:TASS