Bugun.tv xəbər verir ki, Əlcəzair prezidenti Əbdülməcid Tebbun mayda Rusiyaya səfər edəcək.
“Mənim Moskvaya səfərim qüvvədə qalır. Bu, Rusiya prezidentinin dəvəti ilə may ayında baş tutacaq”, – Əlcəzair lideri Əl-Cəzirə telekanalına müsahibəsində deyib.
O, həmçinin bildirib ki, “ölkəsi Ukrayna böhranında vasitəçi rolunu oynamağa hazırdır”.
“Biz bunu etmək üçün kifayət qədər etibarlılığı olan bir neçə ölkə arasındayıq”,- Tebbun vurğulayıb.
Qeyd edək ki, ötən il Əlcəzair lideri Rusiyanın Ukraynadakı xüsusi hərbi əməliyyatına tərəfsiz mövqeyini bildirmişdi.
Mənbə:TASS