Səudiyyə Ərəbistanında Ümrə zəvvarlarını daşıyan avtobusun iştirakı ilə baş verən yol qəzasında 20 nəfər ölüb.
Bugun.tv xəbər verir ki, ölkənin cənub-qərbində yerləşən Abha və Muhayıl Əsir şəhərləri arasında əyləci buraxılan sərnişin avtobusu körpüyə çırpılıb.
Zəvvarları daşıyan avtobusun qəzanın təsirindən aşıb və alışması nəticəsində 20 nəfər ölüb, çoxlu sayda insan yaralanıb.
Qəzaya uğrayan avtobusun yəmənli zəvvarları daşıdığı bildirilib.
Qəza ilə bağlı rəsmi orqanlar hələlik açıqlama verməyib.
Mənbə: İLKHA