İsrailin aerokosmik sənayesi və İDF (Israel Defense Forces) “gücləndirilmiş qabiliyyətli” radar müşahidə peyki olan “Ofek 13”-ü uğurla orbitə çıxarıb.
Bugun.tv xəbər verir ki, buraxılışdan bir neçə saat əvvəl Ben Qurion hava limanında uçuş və eniş dəhlizləri dəyişdirilib. Yer ətrafında orbitə çıxdıqdan sonra peyk onun bütövlüyünü və performans səviyyəsini yoxlamaq üçün nəzərdə tutulmuş bir sıra sınaqlardan keçəcək.
Qeyd edək ki, bu, İranı izləmək kimi uzaq hədəflərin kəşfiyyatı üzərində işləyən ilk İsrail casus peyki deyil. İsrailin ilk müşahidə peyki Ofek-1 19 sentyabr 1988-ci ildə orbitə buraxılıb.
Mənbə: Newsİsrael